Dukurikire kumbuga Nkoranyambaga


Advertisement Banner

Sobanukirwa Itandukaniro ry’imyigishirize y’ibinyoma n’iy’ukuri

Vincent Nsengiyumva , 3 weeks ago

Iminsi tugezemo ni iminsi bimwe mu bimenyetso byahanuwe byerekana iminsi ya nyuma birimo kugenda bisohora, ku bwabyo ntabwo umuntu yashidikanya ko turimo gusatira imperuka, muri ibyo byahanuwe rero harimo n’inyigisho z’ibinyoma akaba ari nayo mpamvu dukwiye kumenya itandukaniro z’inyigisho z’ukuri n’iz’ibinyoma bibiliya ivuga.

Iyo usomye ijambo ry’Imana muri “1 Yohana 4: 1” Handitse ngo “Bakundwa ntimwizere imyuka yose ahubwo mugerageze imyuka ko yavuye ku Mana, kuko abahanuzi b’ibinyoma benshi badutse bakaza mu isi. Iki abe aricyo kibamenyesha umwuka w’Imana. Umwuka wose uvuga ko Yesu Kristo yaje afite umubiri niwo wavuye ku Mana."

Muri 1 Yohana 2: 22 “Ho hagira hati Mbese umunyabinyoma no inde? Keretse uhakana ko yesu Atari kristo? Uhakana Data wa twese n’Umwana we niwe Antikristo. Umuntu wese uhakana uwo mwana Ntafite na se, uwemera uwo mwana niwe ufite se.

Ku rundi ruhande ariko dukwiye kwibuka ko hari n’abandi bavuga izina rya Yesu ku munwa ariko imitima yabo ikamuba kure, abo nibo Yesu ubwe yabwiye abigishwa be ko ari indyarya muri Matayo 23:13-39.

Haravuga ngo bajye birinda umusemburo wabo, n’inyigisho zabo ngo boza igikombe n’imbehe inyuma, ariko imbere huzuye ubwambuzi bwabo, bameze nk’ibituro bisize ingwa, bigaragara inyuma ari byiza, nyamara imbere byuzuye amagufwa y’abapfuye n’ibihumanya byabo, abo nibo bafarisayo, uyu munsi rero turabafite mu nsengero zacu, akenshi uzanababona cyangwa ubumwe bigisha ibihabanye n’ibyo Yesu ashaka cyangwa bakabeshyera Imana ngo Yavuze itavuze.

Bene abo twavuze haruguru baba bafite igikundiro cyane kuko bigisha ibyo amatwi y’abantu benshi ashaka kumva, birinda kwigisha abantu kureka byaha kuko bisharirira amatwi yacu, ahubwo bakabeshya abantu ko Imana igiye kubaha umugisha, amahoro, gukira, kuzamurwa mu ntera, kujya mu bihugu byinshi, gutunga no gutunganirwa n’ibindi.

Gusa birengagiza ko bibiriya ivuga ngo nta mahoro y’umunyabyaha, ikongera ngo abashaka ubukire n’icyubahiro babishakishe gukora neza badacogora, erega Imana ni inyamahoro kandi itanga Umugisha, gusa icyo ibanza ni ubugingo kuko ivuga ngo: “Mushake ubwami bw’Imana no gukiranuka kwayo ibindi byose muzabyongererwa”.

Bene data aba bigisha baradushuka kubw’Inyungu zabo bwite, ntibakorera Imana na gato, ntago dukwiye rero kubaha umwanya ngo batuyobye, gusa inama Bibiliya ibagira ni imwe ni uko bakwihana kuko batazandikwa mu gitabo cy’ubugingo, nk’uko tubisoma muri “Ezekiyeli 13:1

“Maze ijambo ry’Uwiteka rinzaho riti “Mwana w’umuntu ,uhanurire abahanuzi ba isirayeli bahanura, kandi ubwire abajya bahanura, kandi ubwire abajya bahanura ibyo bibwira mu mitima yabo uti “Nimwumve ijambo ry’Uwiteka Uko niko Umwami Uwiteka avuga ngo: Bazabona ishyano ba bahanuzi b’abapfapfa, bakurikiza ibyo bibwira kandi ari ntabyo bategetswe,... Ntabwo bazandikwa mu gitabo cy’inzu ya Isirayeli habe no kwinjira muri mu gihugu cya Isirayeli.

Bibiliya igaragaza ko hariho abahanuzi b’ibinyoma


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO