Dukurikire kumbuga Nkoranyambaga


Advertisement Banner

Pasiteri yahamije ko gusenga ku Cyumweru ari gahunda ya Sekibi igamije kurimbura itorero ry’Imana

Vincent Nsengiyumva , 1 week ago

Umuvugabutumwa ukomeye muri Kenya akanaba umuyobozi mukuru w’itorero Jesus Celebration Centre (JCC) rifite icyicaro mujyi wa Mombasa, witwa Pastor Wilfred Lai yabwiye abakirisitu abereye umushumba ko gusenga ku Cyumweru binyuranye n’ijambo ry’Imana ngo kuko Bibiliya ivuga ko umunsi wo kwizerwa ari uwa Gatandatu w’Isabato.

Ibi Pastor Wilfred Lai yabigatrutseho ubwo yari imbeere y’abayoboke be abigisha ijambo ry’Imana nk’uko bigaragara mu mashusho yakwirakwijwe ku mbuga nkoranyambaga.

Pastor Wilfred Lai avuga ko gusenga ku Cyumweru ari gahunda ya satani igamije guca intege no gushaka gusenya itorero ry’Imana.

Pastor Lai yavuze ko n’ubwo itorero rye risenga ku cyumweru abibona nk’ubuyobe, agashimangira ko abayoboke ba Seventh Day Adventist (Abadive) aribo bakurikije ubutumwa buri muri Bibiliya.

Uyu mushumba yabwiye abakirisitu ko bakwiye kumenya ko gusenga ku Cyumweru ari ugukora ibihabanye n’ibyanditswe muri Bibiliya,ngo kuko umunsi Imana yabwiye abantu kweza ari Kuwagatandatu w’Isabato.

Yagize ati "Gusenga ku Cyumweru ntabwo ari gahunda y’Imana ahubwo ni gahunda ya Sekibi niba mutari mubizi. Ntabwo ndi umuhanuzi w’ibinyoma nkoreshwa n’imbaraga z’Imana. Ibi bintu byo gusenga ku Cyumweru nio gahunda za Satani zo gushaka guca itorero ry’Imana intege. Amasengesho yo ku Cyumweru akururira imyuka mibi itorero.”

N’ubwo uyu mugabo yatangaje ibi kandi itorero abereye umushumba risenga ku Cyumweru, ntacyo yigeze atangaza ku ngamba zo kuba yahindura umunsi nabo bakajya basenga ku wa Gatandatu.

Nyuma yo gutangaza ibi, amashusho yakwirakwijwe ku mbuga nkoranyambaza zinyuranye, arinako abanya Kenya banenga ibyo yavuze bagaragaza ko nawe yaba akorera satani cyane ko itorero rye risenga ku Cyumweru, bagaragaza ko nawe ari mu buyobe.

Pastor Wilfred Lai ashimangira ko amasenge yo ku Cyumweru akururira itorero imyuka mibi


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO