Sangiza iyinkuru Inshuti zawe kuri :

Papa Francis yavuze aho akomora gusinzira mu gihe atangiye gusenga


Yanditswe na     Ubwanditsi
13 August 2018 saa 02:22'

Umushumba wa kiliziya Gatolika Papa Francis,avuga ko impamvu atwarwa n’agatotsi iyo atangiye gusenga ahanini abikomora ku batagatifu kuko nabo ngo byababagaho.

Papa Francis uyobora kiliziya gatolika Ku isi yavuze ko akenshi buri uko agiye gusenga yisanga yatwawe n’ibitotsi agasinzira, gusa ngo kuri we ibi ntabifata nk’ikibazo cyane ko anafite impamvu zibimutera ahuza n’ijambo ry’Imana.

Papa Francis avuga ko n’abatagatifu benshi bazwiho kuba baratwarwaga bagasinzira kandi bari ahantu hatagatifu.

Ubwo yari mu kiganiro cya kiliziya gatolika TV2000 kinyura ku rubuga nkoranyambaga rwa Youtube, papa yahamije ko ajya asinzira iyo ari mu masengesho, ibi akabigereranya nuko aba yatwawe n’abatagatifu.

Yagize ati” Njya ntwarwa n’ibitotsi mu gihe ndimo gusenga”.

Papa Francis yakomeje avuga ko mutagatifu Therese nawe yabikoraga ashingiye ku byabaye mu kinyejana cya 19, ubwo abakristo bahamagarirwaga kuba nk’abana bato baryamye mu gituza(amaboko) cya ba se.

Ibinyamakuru by’i Vatican byemeza ko koko Papa Francis akunda gutwarwa n’ibitotsi cyane amaze gufata amafunguro ya saa sita.

Papa Francis, umunyarijentina w’imyaka 80 akaba n’umuyobozi wa Kiliziya gatolika avuga ko agira ingufu ndetse n’ubwuzu iyo ari kumwe n’abantu ariko akarushaho gusabana igihe ari gusenga gusa akenshi aba akubita imitwe hirya no hino bitewe n’agatotsi ndetse agahumiriza igihe kirekire.

Ubusanzwe Papa Francis aryama ku isaha ya saa tatu z’ijoro ku ngengabihe z’i Roma, akabyuka saa kumi za mugitondo.

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.