Dukurikire kumbuga Nkoranyambaga


Advertisement Banner

Umunyarwandakazi w’umubyinnyi Sherrie yishimiye ibiganiro yagiranye na Papa Francis (Amafoto)

Ubwanditsi , 5 months ago

Sherrie Silver umunyarwandakazi umaze kwamamara ku Isi kubera umwuga wo kubyina, yishimiye kugirwa ambasaderi w’Ikigega Mpuzamahanga cy’Iterambere ry’Ubuhinzi (IFAD) byamushoboje no guhura na Papa bakaganira.

Sherrie Silver ni umubyinnyi wabigize umwuga, yamenyekanye cyane ubwo yayoboraga akanabyina mu ndirimbo ‘This is America’ ya Childish Gambino iherutse no kwikubira ibihembo muri Grammy Awards.

Uyu mukobwa w’imyaka 25 arishimira ko yagizwe umuvugizi wa IFAD (International Fund for Agricultural Development) ku rubyiruko nyuma y’urugendo yari amazemo iminsi mu Butaliya ku butumire bw’iki kigega aho yanaboneye amahirwe yo guhura n’umushumba mukuru wa kiliziya Gatolika ku Isi.


Umubyinnyi w’umunyarwandakazi Sherrie yishimiye guhura na Papa Francis

Sherrrie Silver mu butumwa yanditse ku rukuta rwe rwa Instagram yagize ati “Uyu munsi nabaye Umuvugizi wa IFAD ku rubyiruko ruri mu bice by’icyaro ndetse ngirana ikiganiro na Minisitiri w’intebe w’u Butaliyani, Papa ubwe ndetse na Perezida wa Repubulika y’Abadominikani.”

Yongera ati “Nahoze nifuza kurenga kuba umuntu ushimisha abantu gusa ahubwo ngakoresha izina mfite nkaba Ambasaderi w’impinduka n’ijwi ry’urubyiruko ku Isi hose. Ndabashimiye IFAD kuri aya mahirwe kandi ndashimira Imana ingejeje aha.”

Bamwe mu byamamare byakoranye n’uyu mukobwa ukomoka mu karere ka Huye ariko wakuriye mu Bwongereza barimo Davido, Idriss Sultan, Patoranking, Meddy, The Ben n’bandi bamwifurije ishya n’ihirwe no gukomeza inzira yatangiye.


Umubyinnyi w’umunyarwandakazi Sherrie yishimiye guhura na Papa Francis





Umunyarwandakazi Sherrrie Silver yagizwe Ambassadeur wa IFAD ku rubyiruko ruri mu bice by’icyaro


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO