Sangiza iyinkuru Inshuti zawe kuri :

Breaking News :Ubuyobozi bukuru bwa ADEPR bwakoze impinduka mu bashumba b’indembo-Menya byinshi


Yanditswe na     Ubwanditsi
5 October 2018 saa 04:21'

Ubuyobozi bukuru bw’itorero rya ADEPR bwakoze impinduka mu bashumba bayoboye indembo aho Rev.Karangwa Slivestre wayoboraga ADEPR mu ntara y’amajyepfo yajyanwe mu burengerazuba mu gihe Rev.Sebadende wayoboraga ADEPR mu ntara y’iburengerazuba yashyizwe mu ntara y’amajepfo.

Izi mpinduka zabaye Ku mugoroba w’umunsi w’ejo kuwa kane taliki ya 04 Ukwakira 2018 mu nama yahuje abagize ubuyobozi bukuru bwa ADEPR n’abayobozi bayoboye indembo(intara) zose uko ari 5 hamwe n’impuguke z’iri torero bose babumbiye mucyo bise CEA y’itorero rya ADEPR .


Rev.Karangwa John umuvugizi wungirije wa ADEPR yemeje aya makuru

Mu kiganiro IYOBOKAMANA.COM twagiranye na Rev.Karangwa John umuvugizi wungirije ari nawe ufite mu nshingano ubuzima bw’itorero rya ADEPR yemeje aya makuru avugako Rev.Karangwa Slivestre warusanzwe ari umushumba wa ADEPR mu ntara y’amajyepfo yajyanwe mu ntara y’iburengerazuba mu gihe Rev.Sebadende wayoboraga intara y’iburengerazuba yashyizwe mu ntara y’amajyepfo .

Muri aya magambo ,umuvugizi wungirije yagize ati :"Impinduka mw’itorero zirasanzwe kuko buri mushumba abaziko aho itorero ryamutuma hose agomba kujyayo kuko no mundahiro barahira iyo bimikwa biba birimo bityo abayobozi b’itorero iyo turebye tukabona ari ngombwa ko haba impinduka ahantu runaka turazikora kubw’inyungu z’umurimo w’Imana .


Rev.Karangwa Slivestre wayoboraga ADEPR mu ntara y’amajyepfo yajyanwe mu ntara y’iburengerazuba

Aya makuru kandi yanemejwe na Rev.Karangwa Slivestre wayoboraga intara y’amajyepfo ubu akaba yashyizwe mu burengerazuba aho mu kiganiro yagiranye na IYOBOKAMANA.COM yavuzeko itorero ry’Imana ritagira umupaka mu murimo w’Imana ko umuntu wahamagawe aba yiteguye gukorera aho yatumwa hose.

Ati :"Intara y’amajyepfo narinyimazemo umwaka n’amezi 9 kuko navuye i Nyarugenge njya kuba umuyobozi w’iyi ntara wungirije mbikora amezi icyenda,nyuma yaho ngirwa umuyobozi wa mbere w’intara ari nabyo narimaze umwaka nkora none ubu ngiye gukoreza mu burengerazuba kandi niteguye neza gukomeza kugira umumaro mw’itorero ry’Imana.


Rev.Karangwa Slivestre wahawe kuyobora ADEPR mu rurembo rw’iburengerazuba

Rev.Karangwa Slivestre wahawe kuyobora ADEPR mu rurembo rw’iburengerazuba yabaye umushumba w’ama paruwasi atandukanye kandi aho yagiye ayobora hose yagiye ahasiga ibikorwa bifatika ,muri aho umuntu yavuga muri Paruwasi ya ADEPR Batsinda yahavuye buzuje urusengero rw’ikitegererezo,Muri Paruwasi ya ADEPR Gasave yuhavuye bubatse ama Pave mu mbuga y’urusengero rwaho ndetse icyo gihe ku mu dugudu waho witwa kumukenke hubakwa Bureaux ya Etage n’inzu izakorerwamo ibindi bikorwa bitandukanye.

Karangwa Slivestre yabaye umushumba w’itorero rya ADEPR Nyarugenge asanga urusengero rwaho rw’ikitegererezo ruri muri Foundation icyo gihe ahava rumaze gusakarwa,asimburwa na Rev.Kayiranga Theophile nawe ufite umuvuduko ukomeye mu myubakirwe y’uru rusengero rw’icyitegererezo ,ubu rukaba rugiye gukorerwa Finisage ngo rutahwe kumugaragaro.

Rev.Karangwa Slivestre yavuye aha i Nyarugenge ajya kuba umushumba wungirije mu rurembo rw’amajyepfo icyo gihe hari mu kwezi kwa Gicuransi 2017 noneho nyuma y’amezi 9 agirwa umuyobozi wa mbere w’iyi ntara y’amajepfo aho avuye kuwa 04 Ukwakira 2018 yerekeza mu ntara y’iburengerazuba.

Ibitekerezo byanditswe Kuriyi nkuru

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.