Dukurikire kumbuga Nkoranyambaga


Advertisement Banner

Dore ibintu nshingiro 12 by’itorero rya ADEPR bitera benshi kurinambaho bashikamye

Ubwanditsi , 3 months ago

Itorero rya Pantekote ryo mu Rwanda ADEPR, ryavutse mu 1940, ritangira umurimo w’ivugabutumwa bwiza i Gihundwe mu Karere ka Rusizi, Intara y’Iburengerazuba, ritangijwe n’Abamisiyoneri baturukaga mu gihugu cya Suwede.

Kuri ubu iri torero rikaba ryarashyizeho imyizerere nshingiro yaryo 12 nkuko rigenda rinagaragaza aho byanditse muri Bibiliya Yera,ndetse ngo iyi myizerere ikaba iri no mu mahame ngenderwaho nkuko byatangajwe n’Umuvugizi mukuru waryo Rev.Ephraim Karurangwa

Gusa bimwe muri ibi nibyo abari abavugizi b’iri torero barenzeho ndetse bituma bakurwa ku myanya yo guhagararira iri torero.

Ndetse iyi myemerere ngo iremetse neza kuko nta ngingo nimwe batakozeho ari nabyo bituma abakiristu bo muri ADEPR bumva banezererewe n’itorero ryabo.

1. Ryemera kandi ritunzwe n’Ibyanditswe Byera aribyo JAMBO RY’IMANA : Bibliya Yera n’agakiza gaheshwa no kwizera n’imyifatire myiza y’ltorero n’iy’umukristo wese ku giti cye. 2Tim.3:15-16 ; 2Pet.1:21 ; Ibyak.4:12

2. Ryemera Imana imwe rukumbi ishobora byose, iriho, ihoraho uhereye iteka ryose, kandi izahoraho iteka ryose, Umuremyi w’ijuru n’isi. Guteg. 6:4 ; Zab.90:2 ; Kuva 3:14

3. Ryemera kugwa k’umuntu waremwe atunganye n’umuziranenge, ariko waguye mu byaha kubw’ubushake bwe. Itang.1:26-31 ; 3:17 ; Rom. 5:12-21

4. Ryemera Yesu Kristo nk’Umukiza w’ukuri w’ibyaha byacu kandi n’umuhuza w’abari mu isi n’Imana, kandi ko yabyawe n’umwari Mariya mu buryo bw’Umwuka Wera. Luka1:31, 35 ; Gal. 4:4. Ryemera n’urupfu rwe no kuzuka kwe no gucungurwa guheshwa n’amaraso ye. Rom.10:8-15 ; lKor. 15:3-4 ; Tit. 2:11 ; 3:5-7

5. Ryemera umubatizo wo mu mazi menshi utegetswe ku bamaze kwihana no kwakira Yesu Kristo nk’Umukiza n’Umwami wabo. Mat.28:19 ; Mark. 16:16 ; Ibyak. 10:17-48

6. Ryemera umubatizo w’Umwuka Wera. Ibyak. 2:4-8 ; 10:44-46 ; 19:6

7. Ryemera impano zose z’Umwuka Wera, n’ubuyobozi bwose bwose bw’imirimo y’ltorero nk’uko buvugwa mu Isezerano Rishya. Ef.4 :11-12 ; 1Kor. 12:1-31

8. Ryemera ubwere bw’ubugingo (mu bitekerezo, mu magambo no mu myifatire) mu kumvira itegeko ry’Imana “Mube abera ». 1Pet.1 :15-16 ; 1 Tes.5:23-24 ; Heb. 12:14 ;

9. Ryemera ko Imana ikiza indwara mu buryo bw’igitangaza, ni ukuvuga gukirishwa igitambo cya Yesu ku musaraba. Yes. 53:4-5 ; Mat. 8 :16-17 ; Mark. 16:16-17 ; Yak. 5:14 ; 1Pet. 2:24

10. Ryemera Ifunguro Ryera rikurikije urugero Kristo yahaye abigishwa be : Umutsima nk’urwibutso rw’umubiri we, n’igikombe nk’urwibutso rw’amaraso ye y’Isezerano Rishya ku bizera bose kugeza ku kugaruka k’Umwami wacu. Luk.22 : 14-20 ; Mat.26:26 ; 1Kor.11:23-32.

11. Ryemera kugaruka kwa kabiri k’Umwami wacu Yesu Kristo mbere y’ubwami bw’imyaka igihumbi (aje kujyana umugeni we). Ni ibyiringiro by’umugisha imbere y’uwizera wese. 1lKor.15:20-24 ; 1Tes. 4:13-17 ; Ibyah.20:4-5

12. Ryemera no kugaruka kwa Yesu aje gucira imanza abazima n’abapfuye. Ryemera n’igihano cy’iteka cy’abatanditse mu gitabo cy’ubugingo. Ibyak. 10:42 ; Mat. 25:46 ; Ibyah.20:11-15


IBITEKEREZO BYANDITSWE KURIYI NKURU

  • , 15 November 2017 , saa 08:28'

    Icyo yanditse :

    muzadushakire nimyemerere yandi madini aho ishingiye.

  • HABUMUREMYI SILAS , 2 December 2018 , saa 01:22'

    Icyo yanditse :

    Muraho neza amahoro y'imana abane namwe none muri iriya myemerere 12 ko tutabonamo ibigendanye ni imyambarire ni imisats

  • Laurent , 6 January 2019 , saa 04:54'

    Icyo yanditse :

    Ko ari ntacyo mwavuze ku bijyanye n’Ubutatu Butagatifu,Trinity)
    (Imana Data,Umwana n’Umwuka). Kandi biri mu bintu bya mbere Itorero rishingiyeho.

  • MFITIMANA Daniel , 11 January 2019 , saa 00:15'

    Icyo yanditse :

    Itorero rya pantekote mu rwanda niryo torero rizima nubwo satani agenda ashaka kurivangira ariko nitorero ryumwuka wera byukuri

  • BIKEM , 11 January 2019 , saa 11:16'

    Icyo yanditse :

    ADEPR OYEEE OYEEE OYEEE
    HHHH

  • Celestin , 11 January 2019 , saa 14:23'

    Icyo yanditse :

    Nibyiza ko ari itorero rya Pentekote ariko dusome neza ibyakozwe n’Intumwa 2 nigice cya nicya 4 tirasangamo ibigaraaza itorero rizima naho andi ntibyoroshye kuyakuraho icyitegererezo! Dusabe Imana iduhishurire uko itorero rikwiye kuba rihagaze maze turyigireho!

ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO