Dukurikire kumbuga Nkoranyambaga


Advertisement Banner

Umusore wari wazuwe n’umunyabitangaza Pasiteri Alph Lukau yongeye gupfa

Ubwanditsi , 1 month ago

Umusore ukomoka muri Zimbabwe wari watangajwe mu bitangazamakuru bitandukanye ko yazuwe na pasiteri Alph Lukau wo muri Afurika y’Epfo, yongeye gupfa.

Uyu musore witwaga Brighton Elliot Moyo yapfiriye muri Afurika y’Epfo aho yakoraga, ndetse ngo ajyanwa gushyingurwa muri Zimbabwe iwe mu rugo, ariko bikorwa mu ibanga ku wa 6 Mata 2019.

Mu gitondo cyo ku wa Mbere tariki ya 8 Mata, nibwo ibinyamakuru byo muri Zimbabwe byari byamaze gutahura iyi nkuru, bitangaza ko Elliot yongeye gupfa.

Ikinyamakuru cyo muri Zimbabwe, iHarare.com gitangaza ko urupfu rwe rufitanye isano n’uburwayi bwo mu nda yari asanzwe afite, ibi bikaba byaratangajwe n’umuryango we ubwo yapfaga ku nshuro ya mbere. Kuri iyi ya kabiri bitangazwa ko ibyamuvuzweho ku mbuga nkoranyambaga nyinshi zo ku Isi aribyo bishobora kuba byaramuteye uburwayi bw’umutima.

Bamwe mu bakurikiye iby’iri zurwa rya Elliot, batangaza ko ibye na pasiteri Alph Lukau bishobora kuba birimo agakino, ko bishoboka ko no kuri iyi nshuro atapfuye, akaba ari agakino bakomeje gukina kugira ngo bamenyekana n’itorero ryabo.


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO