Sangiza iyinkuru Inshuti zawe kuri :

Musenyeri Bimenyimana wayoboraga Diyosezi ya Cyangugu yapfuye


Yanditswe na     Ubwanditsi
12 March 2018 saa 06:37'

Musenyeri Bimenyimana Jean Damascene wari Umushumba wa Diyosezi ya Cyangugu yitabye Imana kuri iki Cyumweru azize indwara ya kanseri yo mu maraso yari amaranye iminsi.

Amakuru y’urupfu rwa Musenyeri Bimenyimana yamenyekanye mu ijoro ryo ku Cyumweru tariki 11 Werurwe 2018, aho bivugwa ko yaguye mu bitaro i Nairobi muri Kenya.

Nyakwigendera Musenyeri Bimenyimana yavutse tariki 22 Kamena 1953, avukira muri paruwasi ya Sahangi, Diyosezi ya Cyangugu ari naho yayoboraga nk’uimwepisikopi. Yahawe ubupadiri kuwa 6 Kamena 1980, afite imyaka 27.

Musenyeri Bimenyimana yabaye umusaseridoti muri paruwasi ya Nyundo, nyuma agirwa umwepisikopi wa Diyosezi ya Cyangugu afite imyaka 44. Yahawe inkoni y’ubushumba muri Werurwe 1997. Kuri ubu yitabye Imana afite imyaka 65 y’Amavuko.

Musenyeri Bimenyimana Jean Damascene yitabye Imana amaze imyaka 37 mu mirimo y’Ubusaseridoti akaba kandi yari amaze imyaka 20 ari Umwepisikopi wa Diyosezi ya Cyangugu aho yari afite intego ya ‘Humilitate Et Caritate’ bishatse gusobanura ‘Mu bwiyoroshye no mu rukundo’

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.