Dukurikire kumbuga Nkoranyambaga


Advertisement Banner

Mahirwe uririmba muri Korali Shalom yasohoye indirimbo ’Asifiwe sana’ yubakiye ku buzima yanyuzemo

Ubwanditsi , 1 month ago

Umuhanzikazi Mahirwe Adeline uri mu bagenderwaho muri Korali Shalom ibarizwa muri ADEPR Nyarugenge yasohoye indirimbo yise “Usifiwe sana” yanditse ashingiye ku buzima bw’ibyo Imana yamukoreye.

Mahirwe yamenyekanye cyane muri Korali Shalom kubera ijwi rye rifite umwihariko ryumvikana mu ndirimbo zayo zitandukanye atera.

Mu ntangiriro za 2019 nibwo yinjiye mu muziki nk’umuhanzi wigenga; yatangiriye ku ndirimbo yise ‘‘Ikorera igihe’’, “Icyomoro” mbere yo gusohora “Usifiwe sana” iri mu Rurimi rw’Igiswahili.

“Usifiwe sana” igizwe n’iminota 4 n’amasegonda 14 yasohokanye n’amashusho yayo, irimo ubutumwa, Mahirwe agaragaza ko Imana idakoza isoni abayiringira.
Mahirwe yahisemo kuyiririmba nka Lumba, injyana ikoreshwa cyane muri Repubulika Iharanira Demokarasi ya Congo, igihugu yabayemo.

Uyu muhanzikazi yabwiye IYOBOKAMANA ko indirimbo ye nsha yubakiye ku byo yanyuzemo, akanahitamo kuririmba ashima Uwiteka.

Ati “Indirimbo ifite ubutumwa bushimangira ko Imana yagendanye nanjye. Naritegereje nsanga mu byo Imana yakoze ikwiriye ishimwe kuko ntiyigeze inkoza isoni.’’

Yakomeje ati “Nararebye mbona Imana ikwiye gushimwa kuko hari aho twageze tubaho mu buzima bukakaye ariko Imana ntiyadutereranye.’’
Mahirwe yavuze ko intego y’iyi ndirimbo ari ukubwira abantu ko nta kinanira Imana kandi ko isohoza mu gihe cyagenwe.

Yagize ati “Ni ukubumvisha ko Imana ishobora byose kandi ko ariyo mugenga wa byose. Nimba Uwiteka ari mu ruhande rwacu nta muntu n’umwe uzaduhangara.’’
Indirimbo “Usifiwe Sana” ya Mahirwe mu buryo bw’amajwi yakozwe na Producer Arnaud mu gihe amashusho yatunganyijwe na Producer Eliel Sando.

Mahirwe yatangiye kugaragaza impano yo kuririmba abarizwa mu ishuri ryo ku Cyumweru muri Repubulika Iharanira Demokarasi ya Congo i Goma aho yarerewe. Kuva mu 2007, uyu muhanzikazi yanyuze muri Korali zirimo Elayono, Tumaini, Integuza na Siyoni zo muri ADEPR Rubavu.

REBA HANO VIDEO YA Usifiwe Sana Adeline Mahirwe


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO