Dukurikire kumbuga Nkoranyambaga


Advertisement Banner

Korali ya ADEPR NAMUR mu Bubiligi yashyize hanze indirimbo"‘‘Mu bwihisho’’ yuje ibihumuriza ku bagenzi

Ubwanditsi , 3 months ago

Korali ya ADEPR NAMUR ikorera umurimo w’ivugabutumwa mu Bubiligi yasohoye indirimbo nshya yise ‘‘Mu bwihisho’’ ikubiyemo ubutumwa buhumuriza abantu bari mu bibazo bitandukanye.

‘‘Mu bwihisho’’ ni indirimbo igizwe n’iminota itandatu n’amasegonda 25. Yubakiye ku butumwa butanga ihumure ku bantu bihebye cyangwa batanejejwe n’ibihe bari kunyuramo.

‘‘Mu bwihisho’’ ni indirimbo yubakiye ku magambo aboneka muri Bibiliya mu Gitabo cya Zaburi ya 91, ikubiyemo ubutumwa bwo guhumuriza kandi inavuga uko Uwiteka arinda abantu be akabahisha bakaba amahoro.

Mu magambo agize iyi ndirimbo avuga ngo ‘‘Waduhaye amahoro yawe Mana, udukiza ubwoba bw’ibiteye ubwoba. Ibitero by’umubi wabitesheje agaciro, abantu 1000 baragwa turakira.’’

Umuyobozi ureberera inyungu za Korali ya ADEPR NAMUR, Ndayisenga Jean Pierre, yabwiye IGIHE dukesha iyi nkuru ko ubutumwa burimo buhura neza ‘n’ibihe turimo aho dukeneye ihumure riva ku Mana. Niba turiho ubu si imbaraga zacu, Uwiteka yarahabaye akwiye kubishimirwa, yaraturinze kandi yatubereye Ubwihisho.’

Yakomeje ati ‘‘Ubutumwa twashatse gutanga muri iyi ndirimbo ni ubw’ihumure, kumenyesha abazayumva kwibuka ko hari Imana yaduhishe, ikaturinda kandi izakomeza kuturinda. Ko kuba mu Mana bitanga amahoro. Hanyuma twibukiranya kwambaza Uwiteka no kumushima.’’

Mu ikorwa ry’iyi ndirimbo, Korali ya ADEPR NAMUR yifashishije abaririmbyi bayo, abakirisitu b’aho iteranira n’inshuti zayo.

Korali ya ADEPR NAMUR iri kuzuza imyaka ibiri itangiye ivugabutumwa, yijeje abakunzi bayo ko izakomeza kubagezaho ibihangano bihembura abakunzi b’umusaraba. Irateganya gushyira hanze indirimbo yitwa ‘Yego’, izajya hanze mu minsi ya vuba.

Itorero rya ADEPR, Ishami ryo ku Mugabane w’i Burayi ibarizwamo ryatangiye ku wa 23 Ukuboza 2016 ritangirira mu Mujyi wa Bruxelles mu Bubiligi.

Mu bwihisho ni indirimbo yatunganyijwe mu buryo bw’amajwi na Aaron Nitunga mu gihe amashusho yakozwe na Weya Media iyoborwa na Sebahire Séverin Sunday.

Reba indirimbo ‘‘Mu bwihisho’’ ya ADEPR NAMUR nawe ukomeze ufashwe :


Mu ifatwa ry’amashusho y’indirimbo ’Mu bwihisho’ abakirisitu ba ADEPR mu Bubiligi babigizemo uruhare

Korali ya ADEPR NAMUR mu Bubiligi imaze imyaka igera kuri ibiri itangiye ivugabutumwa rinyuze mu ndirimbo


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO