Sangiza iyinkuru Inshuti zawe kuri :

Kigali: Hateguwe ibiroli bikomeye byo kwizihiza umunsi wahariwe Yesu Kirisitu


Yanditswe na     Ubwanditsi
13 December 2018 saa 10:00'

Umuryango Campus Pour Christ International, wateguye amasengesho yiswe “Jour du Christ” agamije gusengera imiryango, itorero n’igihugu mu minsi mikuru isoza umwaka wa 2018.

Ni gikorwa giteganyijwe kubera kuri Expo Ground i Gikondo ku wa 16 Ukuboza 2018 kuva saa tatu za mu gitondo.

Umuyobozi wa Campus pour Christ International mu Rwanda, Pasiteri Rutunda Emmanuel, yavuze ko umunsi wahariwe Kirisitu ugamije gushima Imana.

Yagize ati “Turifuza kujya duhura dufite umutwaro wo gushimira Imana intambwe yaduteje nk’igihugu n’ibikomeye yadukoreye. Ni igikorwa umwanzi yanga. Ni ngombwa ko abafite umutwaro mu ngeri zose dushyira hamwe tugakomeza kuzamura Kirisitu no gusigasira ibyiza dufite. Iri terambere niryo rizatuma amahanga aza kureba umuco wacu nkuko bibiliya ivuga.”

Pasiteri Rutunda yagaragaje ko bafite intego yo gushyiraho uburyo bwo gusengera igihugu kuva ku rwego rw’umudugudu.

Yagize ati “Turifuza ko mu bihe bizaza tuzajya dusenga dufite abinginzi basengera umudugudu, ab’akagari, umurenge, intara n’igihugu kugeza igihe twese tuzahaguruka. Ntidufite intego yo kuzura Stade gusa ahubwo ni uguhagurukana umutwaro ngo dushyigikire igihugu kandi ibyo twagezeho tubisigasire mu gukomeza guhesha izina ry’Imana icyubahiro.”

Aya masengesho yateguwe ku bufatanye n’amadini yo mu gihugu azitabirwa n’abantu baturutse mu ntara zitandukanye no mu bihugu bikikije u Rwanda. Kuyinjiramo ni ubuntu.

Ni amasengesho agamije gushimira Imana ku burinzi bwayo mu 2018 no kuyiragiza umwaka utaha wa 2019.

Umuryango Campus Pour Christ International ufite gahunda yo gushyiraho umunsi uhuza Abanyarwanda bose bagasenga, bakanashima Imana ku byo yabakoreye n’ibyo bagezeho.

JPEG - 100.8 kb
Pasiteri Rutunda Emmanuel na Pasiteri Rutunda Bibiche bateguye amasengesho yo gushyira u Rwanda mu biganza byayo


Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.