Sangiza iyinkuru Inshuti zawe kuri :

Ihohoterwa rikomeye ryakorewe umukobwa washyingiranye nuwo badahuje idini-Amafoto


Yanditswe na     Ubwanditsi
9 October 2018 saa 02:00'

Umukobwa w’imyaka 18 ukomoka mu muryango w’Abasilam wo mu gace ka Nawada ho mu Burasirazuba bw’intara ya Bihar mu Buhinde, yakubiswe inkoni zitagira ingano aziritse ku giti, azira gushaka kwishyingira n’umusore wo mu idini rya Hindu.

Uyu mukobwa wakubitiwe ku karubanda aho yari yazirikiwe ku giti hakoreshejwe amakamba akomeye , yakubitwaga n’abo mu muryango we ubwo bamuvanaga ku musore yari yagiye kwishyingiraho.

Uyu mukobwa w’imyaka 18 utatangajwe amazina ye, yafashe umwanzuro wo kujya kwishyingira n’umusore womu idini rya Hindu, mu gihe umuryango we wari warakunze kurwanya urukundo rwabo kubera kudahuza imyemerere.

Ibinyamakuru byo mu gace uyu mukobwa akomokamo, byanditse ko yamaze amasaha agera kuri 5 aziritse ku giti, ariko akubitwa ibiboko.

Bivugwa ko uyu mukobwa yari yavuye mu gace k’iwabo yisangira umukunzi we witwa Rupesh Kumar w’umu Hindu, n’ubwo iwabo bahoraga bamumubuza.

Abaturanyi b’iwabo b’umukobwa babwiye itangazamakuru ko yagiye abo mu muryango we bakamubura, baza guhamagara uyu musore w’insuti ye abemerera ko bari kumwe, bahita bajya kumukurayo.

Amafoto n’amashusho yafashwe n’abari aho uyu mukobwa yakubitirwaga, yamugaragazaga ari gutaka cyane kubera ububabare bw’inkoni n’ikamba bari bamuzirikishije.

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.