Dukurikire kumbuga Nkoranyambaga


Advertisement Banner

Gentil Misigaro na Adrien MISIGARO banikiye abandi bahanzi ba Gospel

Ubwanditsi , 2 weeks ago

Abahanzi b’abanyarwanda baririmba indirimbo zo kuramya no guhimbaza Imana Gentil Misigaro uba muri Canada na Adrien Misigaro uba muri Leta Zunze Ubumwe za Amerika bihariye imyanya myinshi mu guhatanira ibihembo bya Maranat Awards Eastern Africa 2019.

Ibi ni ibihembo bihabwa abahanzi baririmba indirimbo zo kuramya no guhimbaza Imana bakomoka muri Afurika y’Uburasirazuba mu bihugu birimo u Rwanda, Uganda, Kenya, u Burundi, Tanzania, Ethiopie, Eritrea, Somalia na Soudani y’Epfo.

Abahanzi b’abanyarwanda bashyizwe mu bahatanira ibi bihembo ku bwinshi, nk’aho Adrien Misigaro ari guhatana mu byiciro bine ari byo umuhanzi witwaye neza uba hanze ya Afurika, album nziza (Nzagerayo), indirimbo yahuriweho n’abahanzi (collabo) “Ntuhinduka” yafatanyije na Zawadi, n’umuhanzi w’umugabo wahize abandi.

Mubyara we Gentil Misigaro utuye muri Canada ari mu byiciro bitatu harimo umuhanzi uba mu mahanga ukomoka muri Afurika y’Uburasirazuba, indirimbo yahuriweho n’abahanzi (collabo) “Umbereye Maso” yafatanyije na Nice n’umuhanzi w’umugabo wahize abandi.

Aline Gahongayire ari mu cyiciro cy’indirimbo yahize izindi “Ndanyuzwe” akongera akaba mu cyiciro cy’umuhanzikazi wahize abandi aho ahuriyemo na Gaby Kamanzi nawe uhatanye no mu cyiciro cy’indirimbo ifite amashusho meza “Nzahora Nshima” yakozwe na Bob Chris Raheem.

Prosper Nkomezi ari mu cyiciro cy’umuhanzi ufite ijwi ryiza kurusha abandi (Outstanding Vocalist).

Healing Worship Team na Ambassadors Of Christ bari mu cyiciro cy’amatsinda yahize andi mu gihe Serge Iyamuremye ahatanye mu bafite album nziza abikesha iyo yise “Biramvura.”

Biteganyijwe ko amatora azatangira tariki 15 Kamena akazahagarara tariki 15 Kanama 2019. Umuhango wo gutanga ibihembo uzaba tariki 18 Kanama 2019 muri Kenya.


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO