Dukurikire kumbuga Nkoranyambaga


Advertisement Banner

Ev. Kwizera Emmanuel agiye gukora ubukwe na mukuru w’umugore we witabye Imana

Akayezu Jean de Dieu , 3 weeks ago

Umuvugabutumwa Kwizera Emmanuel ukorera ivugabutumwa mu Itorero Evangelical Restoration Church (ERC) yerekanywe mu rusengero na Coco Kaligirwa uvukana n’umugore we wa mbere witabye Imana.

Kuri iki Cyumweru tariki 29 Ukuboza 2019 nibwo Ev. Kwizera na Kaligirwa baranzwe mu rusengero na Pasiteri Aaron Ruhimbya wabasabiye umugisha no guhirwa mu rugendo rwo kubaka umuryango mushya binjiyemo.

Mu ntangiriro z’Ugushyingo 2019 aribwo Ev. Kwizera yambitse impeta Kaligirwa amusaba ko barushinga undi nawe nta gushidikanya aramwemerera.

Ubukwe bw’aba bombi buteganyijwe tariki 21 Werurwe 2020 nk’uko IGIHE dukesha iyi nkuru yabitangaje.

Kaligirwa ni mukuru w’umugore wa Kwizera ndetse ni we wasigaye yita ku bana Kunda yabyaranye na Kwizera.

Kunda yitabye Imana tariki ya 6 Kanama 2017, azize indwara ya kanseri y’umwijima yari amaranye amezi atanu. Yaguye mu bitaro byitiriwe Umwami Faisal aho yari amaze icyumweru arwariye.

Abasenganye n’abakoranye na we bamufataga nk’inkoramutima ndetse bamushima ubutwari bwamuranze no kwicisha bugufi yagiraga imbere y’abantu bose.

Ku wa 5 Kanama 2018 mu rusengero rwa Restoration Church ku Kimisagara ubwo hibukwaga umwaka Kunda amaze yitabye Imana, Umuvugabutumwa Kwizera yatangaje ko yatangije umuryango ‘La Kunda Foundation’ ugamije gushyigikira ibikorwa byiza byaranze umugore we.

Uyu muryango wibanda ku gufasha abana bakennye kurusha abandi kwiga, gufasha abashakanye kubaka ingo zabo neza no gukora amasengesho yo gusengera ibihugu bitarageramo ubutumwa bwiza.

Kwizera Emmanuel akorera umurimo w’Imana mu Muryango Nyafurika w’Ivugabutumwa (AEE) muri Kenya. Yamenyekanye cyane mu murimo w’Imana kuva akiri muri Kaminuza y’u Rwanda i Butare, ari naho yakiriye Yesu nk’Umwami n’Umukiza we.

Umugore we wa mbere Kunda yatabarutse afite imyaka 37, yamusigiye abana batatu barimo abakobwa babiri n’umuhungu umwe.
Pasiteri Aaron Ruhimbya yabaramburiyeho ibiganza abasabira umugisha


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO