Dukurikire kumbuga Nkoranyambaga


Advertisement Banner

Amategeko akakaye ku banyamakuru y’uburyo bagomba kwitwara mu gitaramo cya Don Moen

Ubwanditsi , 6 February

Abategura igitaramo kizitabirwa n’umuramyi w’igihangange Don Moen batangaje ko nta gitangazamakuru icyo ari cyo cyose cyemerewe gufata amashusho.

Iki gitaramo kizaba ku wa 10 Gashyantare 2019 cyiswe ‘MTN Kigali Praise Fest 2019’ cyateguwe na sosiyete y’itumanaho ya MTN ku bufatanye na RG Consults imenyerewe mu gutegura ibitaramo bya Kigali Jazz Junction.

Biteganyijwe ko kizabera mu ihema rya Kigali Conference and Exhibition Village hahoze hitwa Camp Kigali.

Kizaba kirimo umuhanzi w’umunyarwanda Israel Mbonyi ukunzwe n’abakirisitu benshi.

Ubuyobozi bwa RG Consult bwatangaje ko ibitangazamakuru byifuza kuzakurikirana iki gitaramo nta cyemerewe gufata amashusho mu buryo bwo kuyatangaza.

Ku rundi ruhande ibitangazamakuru byemerewe kuzafata amafoto bizifashisha mu nkuru zivuga kuri iki gitaramo.

Biteganyijwe ko Don Moen azagera i Kigali tariki 9 Gashyantare 2019 aturutse i Kampala muri Uganda aho azaba yabanje gutaramira. Kuri uyu munsi kandi azagirana ikiganiro n’abanyamakuru.
Nta gitangazamakuru kizemererwa gukorana ikiganiro na Don Moen ku buryo bw’umwihariko.

Don Moen w’imyaka 68 yamamaye mu ndirimbo zo kuryamya no guhimbaza Imana.

Mu myaka isaga 30 amaze akora umuziki, yashyize hanze indirimbo zisaga 100 zakunzwe mu buryo bukomeye mu bihugu bitandukanye by’Isi.

Izamenyekanye cyane zirimo We Give You Glory, God Is Good All The Time, God With Us, God Is Good I Will Sing, God Will Make A Way, Heal Me O Lord, Give Thanks, Here We Are na Hallelujah To The Lamb.

Our Father, ni imwe mu ndirimbo ya Don Moen yakunzwe cyane


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO