Sangiza iyinkuru Inshuti zawe kuri :

ADEPR igiye guhindura amategeko abakristo bayo basanzwe bagenderaho bashyirirweho ajyanye n’igihe-Video


Yanditswe na     Ubwanditsi
19 March 2018 saa 01:30'

Nyuma yo gutorerwa kuyobora Itorero rya Pentekote mu Rwanda muri manda y’imyaka itanu iri imbere, Rev. Karuranga Ephrem, yatangaje ko iri torero rigiye guhindura amategeko rigenderaho mu buryo bwihuse.

Amatora y’abayobozi bashya b’Itorero ADEPR (Biro Nyobozi) yabaye kuri uyu wa 17 Werurwe 2018, yitabiriwe n’abantu 63 bagize inama rusange y’Itorero ADEPR, bafatashe imyazuro itandukanye.

Rev. Karuranga Ephrem yatowe ku mwanya w’Umuvugizi; Rev. Karangwa John aba Umuvugizi Wungirije; ku mwanya w’Umunyamabanga Mukuru hatowe Pasiteri Gatemberezi Muzungu Paul; Umuyobozi w’Imari n’Ubukungu aba Umuhoza Aurelie naho Pasiteri Ntaganda Jean Paul atorerwa kuba Umujyanama mu by’Ubutegetsi n’Imari.


Uhereye iburyo: Umuvugizi wa ADEPR, Rev. Karuranga Ephrem; Umwungirije Rev. Past Karangwa John; Umunyamabanga Mukuru, Pasiteri Gatemberezi Muzungu Paul; Ushinzwe Imari n’Ubutegetsi, Umuhoza Aurélie na Pasiteri Ntaganda Jean Paul, Umujyanama mu by’Imari n’Ubukungu

Rev Karuranga yatangaje ko yizeye ko imirimo batorewe igiye kwihuta kuko bazaba bafite ibyo baheraho byakozwe mu nzibacyuho yari imaze amezi icyenda.

Yagize ati “Impinduka igiye kubaho ni uko bagenzi bacu bashya bagiyemo natwe abo basanzemo tugiye gukomeza ariko noneho dufite aho duhera, imirimo rero izarushaho kwihuta no kugenda neza.”

Rev. Karuranga yavuze kandi ko bagiye kwihutira guhindura amategeko ADEPR igenderaho kuko harimo atabereye umuryango muri iki gihe.

Ati “Mu byo twemeje muri iyi nteko rusange harimo no guhindura amategeko mu buryo bwihuse cyane. Amategeko ahari ntwabwo navuga ko yujuje ibyangombwa; hari atabereye umuryango mu gihe tugezemo kandi aranatubangamiye; hari ayahinduwe ariko ntiyasohoka mu buryo bwemewe mu igazeti ya leta. Ubu rero mu buryo bwihuse birasaba gutekereza no kubihuza n’amategeko abereye umuryango.”

Abitabiriye Inteko Rusange yatoye Biro Nyobozi ya ADEPR banemeje ko abapasiteri bagera kuri batandatu bashyirwa mu kiruhuko cy’izabukuru, barimo Rev. Rurangirwa Emmanuel wayoboraga Ururembo rw’Amajyaruguru.

Rev Karuranga yavuze ko ari icyemezo cyafashwe mu bushishozi bwa Biro Nyobozi, ko kibazo kindi gihari ahubwo bashimirwa ko bakoze neza.

ADEPR ifite gahunda yo kunoza umubano n’indi miryango, izindi nzego n’abafatanyabikorwa kugeza ubu bamaze kuba benshi aho ngo izakingura amarembo kuko idakeneye kwifungirana.

REBA IKIGANIRO TWAGIRANYE N’UMUVUGIZI WA ADEPR UBWO YARAMAZE GUTORERWA KUYOBORA MANDAT Y’IMYAKA 5:


Bamwe mu bitabiriye Inteko Rusange yatorewemo Biro Nyobozi ya ADEPR

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.