Dukurikire kumbuga Nkoranyambaga


Advertisement Banner

Eduard Bamporiki yavuze ku mupasiteri w’i Kigali wahimbye isano bafitanye amaze kuba umudepite

Ubwanditsi , 2 weeks ago

Umuyobozi w’Itorero ry’Igihugu, Bamporiki Edouard, yakomoje ku mupasiteri wigeze kumuhamagara agahimba isano bafitanye nyuma y’aho abereye umudepite.

Nyuma yo kumenyekana mu buhanzi mu byiciro bitandukanye nk’umwanditsi, mu mivugo n’amakinamico, Bamporiki Edouard yinjiye mu Nteko Ishinga amategeko mu mwaka wa 2013 ku itike y’umuryango FPR Inkotanyi.

Muri Kanama 2017 Bamporiki wari umaze imyaka igera kuri ine mu Nteko Ishinga Amategeko yagizwe Perezida w’Itorero ry’Igihugu, asimbuye Rucagu Boniface wagizwe umwe mu bagize Inama Ngishwanama y’Inararibonye.

Mu muhango wo kumurika ikinyamakuru Ireme Magazine cya Uwase Fiona umwe mu bakobwa bahataniye ikamba rya Nyampinga w’u Rwanda 2018, Bamporiki yavuze ko kugira ngo u Rwanda rugire urubyiruko ruzagira akamaro mu minsi iri mbere, rukeneye uburere bukwiye.

Ati “Papa na mama nibarera neza, abo duturanye tugafatanya uburere bw’umwana w’umuhungu n’umukobwa umusaruro uzavamo, uzatera ishema ababyeyi ariko noneho utangire gutera ishema n’abaturanyi bigere no ku gihugu.”

Ahereye kuri iri shema umwana ashobora gutera ababyeyi n’abandi bose bamuzi, yavuze ko hari umupasiteri ufite urusengero mu Mujyi wa Kigali ahazwi nko ku Kinamba, wigeze guhimba isano bafitanye nyuma y’aho yari amaze gutorerwa kuba umwe mu bagize Inteko Ishinga Amategeko y’u Rwanda.

Ati “Ndibuka maze umwaka mu nteko, umuntu yarampamagaye, ni umupasiteri hano muri Kigali, noneho arambwira ngo tugira icyo dupfana. Nti ‘uri nde se?’ arambwira izina numva sindizi. Ndamubaza nti ‘ese isano ni iyihe’? Arambwira ngo sogokuru ngo yari yarabye sekuru muri batisimu. Ariko abivuga akomeje cyane, ati ‘nkurusha imyaka ariko uri nka mukuru wanjye nkurikije ko muri iyi minsi igihugu cyakugiriye icyizere.”

Bamporiki yavuze ko byakabaye byiza isano nk’iryo ridashingiye ‘ku cyo umuntu yagezeho ahubwo ari umwimerere w’uko ari umuntu uzagira icyo ageraho tugatangira hakiri kare.”

Umuyobozi w’Itorero ry’Igihugu yavuze ko umunsi uburere bw’umwana butazaharirwa ababyeyi be gusa, igihugu kizatera imbere nta kabuza.


Bamporiki Edouard yavuze ko nyuma yo kuba umuyobozi ukomeye abantu batangiye gushaka amasano bafitanye


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO