Dukurikire kumbuga Nkoranyambaga


Advertisement Banner

Kigali: Ikigo ‘BTC’ kigisha Camera n’iby’itangazamakuru cyatanze poromosiyo y’ibyumweru 3 by’ubuntu

Ubwanditsi , 2 months ago

Ikigo BTC (Belgine Training Center) gihugura kikanigisha itangazamakuru, kiratangaza ko ubu cyatanze Poromosiyo ku rubyiruko yo guhugurwa mu gihe cy’ibyumweru bitatu ntacyo rwishyura.

Iki kigo gikorera i Nyamirambo, mu Mujyi wa Kigali, gihugura abakigana ibirebana no gukoresha Camera, mu gofotora no gufata amashusho ndetse kikanahugura abifuza kwinjira mu mwuga w’Itangazamakuru.

Umuyobozi mukuru wa BTC, Bizimana Belgine mu kiganiro yagiranye n’IYOBOKAMANA.COM, yavuze ko iyi poromosiye yatanzwe mu rwego rwo gufasha urubyiruko cyane cyane uruba rurangije amashuri yisumbuye, rwongererwa ubumenyi kugira ngo rubashe kwiteza imbere rwihangira imirimo.

Yagize ati “Iyi Poromosiyo izamara ibyumweru bitatu, cyane cyane nko gukoresha Camera, bafotora banafata video, muri iki gihe umuhanga yaba amaze kumenya byinshi byamufasha kuba na we yabasha kwishakira umukati ahereye kuri ubwo bumenyi”.

Akomeza avuga ko abazaba bifuza gukomeza kongera ubumenyi bazaba bahawe muri icyo gihe cy’iminsi 20, bazoroherezwa bagakomeza amasomo.

Arakomeza agira ati “Ibyo twigisha ni byinshi, muri iyo minsi 20 ntabwo byose baba babimenye, ariko hari ibyo bazaba bamenye by’ibanze, abazaba babishaka tuzakomeza tubigishe, tuboroherereze ku mafaranga yo kwishyura ariko ibi byumweru bitatu byo tuzabigisha ku buntu, nkeka ko bizabafasha cyane kuko ubu abenshi birirwa iwabo bareba filimi cyangwa bakirirwa kuri watsapp”.

Avuga ko abanyeshuri bigisha mu gihe cy’amezi ane, babasha kwiga neza gukoresha camera z’ubwoko butandukanye, bakiga gutunganya amashusho n’amajwi, kumenya gufata amashusho hifashishijwe indege zitagira umupilote (Drones), gushushanya amashusho ‘graphics design’, kumenyereza mu mwuga w’itangazamakuru, TV Presenter,…

Iyi poromosiyo yagenewe urubyiruko yo guhugurwa mu gihe cy’ibyumweru bitatu izatangira ku wa 1 Gashyantare, ikazarangira kuri 20 Gashyantare 2019. Kwiyandikisha bikaba bizatangira ku wa Mbere tariki ya 28 Mutarama 2019, i Nyamirambo mu mujyi w Kigali, aho iri shuri riherereye.
Ku bindi bisobanuro wahamagara kuri 0783721444.


ANDIKA IGITEKEREZO CYAWE

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

ISHAKIRO